Sentenza do 5 de xuño de 2012, da Sala Terceira do Tribunal Supremo, pola que se anulan os artigos 7.1, 8, 11, 12 e a disposición adicional sétima do Real decreto 1614/2009, do 26 de outubro, polo que se estableceu a ordenación das ensinanzas artísticas superiores reguladas pola Lei orgánica 2/2006, do 3 de maio, de educación, e igualmente se anulan as expresións "de grao" e "graduado ou graduada" contidas no título, articulado e anexos dos reais decretos 630 a 635/2010, do 14 de maio, polos que se regulan o contido básico das ensinanzas artísticas superiores de grao establecidas na Lei orgánica 2/2006, do 3 de maio, de educación, en Arte Dramática, en Música, en Danza, en Deseño, en Cerámica e Vidro e en Conservación e Restauración de Bens Culturais.
Sentenza do 19 de novembro de 2012, da Sala Terceira do Tribunal Supremo, pola que se fixa como doutrina legal a seguinte: "A estimación do recurso contencioso-administrativo fronte a unha liquidación tributaria por razón dunha infracción de carácter formal, ou mesmo de carácter material, sempre que a estimación non descanse na declaración de inexistencia ou extinción sobrevida da obriga tributaria liquidada, non impide que a Administración dite unha nova liquidación nos termos legalmente procedentes, salvo que prescribise o seu dereito a facelo, sen prexuízo da debida emenda da correspondente infracción de acordo co resolto pola propia sentenza."
Sentenza do 27 de novembro de 2012, da Sala Terceira do Tribunal Supremo, pola que se declara a nulidade do Acordo do Consello de Ministros, do 16 de xullo de 2010, polo que se asigna un múltiple dixital de cobertura estatal a cada unha das sociedades licenciatarias do servizo de televisión dixital terrestre de ámbito estatal.
Axencia Estatal Boletín Oficial do Estado
Avda. de Manoteras, 54 - 28050 Madrid